A te Fakapotopotoga ate Sataulo Kula mote Masina Sae Kula ite Lalolafi ne mafua mai i te loto naunau ke maua se fesoasoani seai se faapito ki tino pakia I taua, mo ana kausakiga i te lalolgai mo fenua taki tasi ke fakamama io me fakaseai lele loa te fakapuapuagatiaga ki olaga o tino i sose koga. Ko te manatu maluga ke puipui te ola o tino, fakatasi mot e tausiga o te olaga lei, kae maise loa ko te fakamalosiga o te fakatau aava ki sose tino ola. E fakalauefa foki ne te Fakapotopotoga a te tualaga malamalma o te tino kite sua tino, te vaa fakataugasoa, te fai mea fakatasitasi, moo te fakatumauga ote filemu I te va o tino katoa.
E seai se fakasekesekega o tino faitala me ne vau mai te fenua fea, sea tena lanu, lotu, talitonuga, tulaga o tino i tena Malo io me ko tena sosaiete, io me ko te tulaga o ana mafaufauga fakapolitiki. A te Fakapotopotoga e taumafai eiloa o fakamama a logomae o tino; ave ne ia te fesoasoani ki tino e manakomia ne latou te fesoasoani, kae fakatomua loa a manakoga o latou kola ko pokotia malosi ne fakalavelvae.
Ko te mea ke tumau te loto talitonu mote fiafia o tino katoa kite Fakapotopotoga, a te Fakapotopotoga o oso i fakinauga, io me kau atu ki manatu fakatupu taua I feitu tau politiki, te fakakesekesega o tino, mo talitonuga kesekese.
A te Fakapotopotoga e tutokotasi. A Sosaieta o Sataulo Kula u fenua takitasi, e fesoasoani ki olotou Malo I galuega e tau atu kit e naunauga ke ola lei tino o olotou atufenua. A te galuega fesoasoani tena e fai ke fano tonu mo tulafono o fenua taki tasi, kae tiga la te feitu tena e tau eiloa o tausi te saolotoga totino kae tutokotasi ko te mea ke mafai ne Sosaiete o te Fakapotopotoga o fakateletele olotou galuega ke olo tonu mo fakavae mautu o te Fakapotopotoga.
Ko te mea ke tumau te loto talitonu mote fiafia o tino katoa kite Fakapotopotoga, a te Fakapotopotoga o oso i fakinauga, io me kau atu ki manatu fakatupu taua I feitu tau politiki, te fakakesekesega o tino, mo talitonuga kesekese.
E tasi eiloa te Sosaiete o te Sataulo Kula io me ko te Masina Sae Kula e mafai o fakatu i se fenua, kae e tau o tala atu ki sose e fia kau kiei. E tau mote Sosaiete o fai tena galuega fesoasoani ki tino katoa i tena atufenua.
A te Fakapotopotoga a te Sataulo Kula mote Masina Sae Kula, tela e aofia iei a Sosaiete o ia I fenua taki tasi, e salalau kae lauiloa ite lalolagi. A ana Sosaiete e pau eiloa te olotou tulaga, e pela foi loa mo olotou tiute mo galuega fai, kae fakatau fesoasoani latou, te Sosaiete kite sua Sosaiete.